BUTUAN CITY – Padayon pang gipanubayan sa Bureau of Fire Protection-Caraga Butuan Fire Station ang natigayong sunog kaganinang pasado alas-dose sa udto sa may Brgy Ampayon ning siyudad sa Butuan.
Nasayran sa inisyal nga imbestigasyon nga pipila sa mga nasunog, mga boarding houses rason nga duna’y pipila ka mga estudyanteng nasamad ug nakuyapan kansa daling gi-atiman sa mga sakop sa City Disaster Risk Reduction and Management Department.
Mayoriya sa mga nasunog, gama sa mga light materials hinungdan sa paspas nga pag-ulbo sa kalayo nga nadugangan pa sa kusog nga hangin ug grabeng ka-init sa panahon.
Apil sa gisuta sa mga bombero ang gigikanan sa kalayo apil na ang kinatibuk-ang damyos niini ilabina nga duna’y na-among usab nga mga tindahan.
