BUTUAN CITY – Nakatala na usab og 227 ka mga bag-ong kaso sa COVID-19 ang Caraga Region karong adlawa apan mas ubos kini og dyutay kumpara sa natalang 241 ka mga kaso kagahapon.
Samtang gikan sa upat ka mga patay nga natala kagahapon, duha ka patay lang ang natala karong adlawa.
Sa 227 ka mga bag-ong kaso, 225 ang naka-isolate samtang 98 ang natalang bag-ong nakarekober hinungdan nga mi-abot na sa 12,524 ang cumulative COVID-19 cases ning rehiyon kondiin 1,934 ng padayon pang naka-isolate, 10,188 ang nakarekober ug 402 na ang kinatibuk-ang patay.
Pinakadaghang nakatala sa bag-ong kaso ang dakbayan sa Butuan nga mi-abot sa 57; nga gisundan sa Agusan del Sur-49; Surigao del Sur-35; Dinagat Islands province-18; Agusan del Norte-17; Surigao del Norte-12; parehong mitala og walo ka kaso ang Bislig City ug Cabadbaran City; pito ka kaso sa Surigao City ug 6 sa Tandag City.
