BUTUAN CITY – Nagpadayon ang manhunt operation batuk sa responsible sa duguong mass shooting sa Lewiston, Maine sa Portland nga mikalas og 22 ka mga tawo samtang ubay-ubay ang samaron.
Base sa inisyal nga taho sa Maine State Police ug sa county sheriff, nakatala sila og tulo ka shooting incidents sa managlahing lugar lakip na sa Sparetime Recreation, Schemen-gees Bar & Grille Restaurant, ug sa Walmart distribution center.
Alayon niini nanawagan ang Maine State Police sa publiko nga magpabilin una sa ilang mga pinuy-anan ug i-lock ang ilang mga pultahan samtang nagpadayon pa ang pagpangita sa mga otoridad ngadto sa responsable.
Nagpagawas na usab og duha ka hulagway sa suspek ang Andros-coggin County Sheriff’s Office nga nagpakita sa usa ka daghag balbas nga lalaki nga nakasuot og long-sleeved shirt ug jeans samtang naghawid sa rifle nga gi-ilang si Robert Card, 40-anyos kinsa armado ug delikado.
