BUTUAN CITY – Duha ka mga rebeldeng komunista ang patay samtang tulo ka mga high-powered firearms ang narekober sa natigayong engkwentro tali sa sundaluhan didto sa Las Nieves, lalawigan sa Agusan del Norte ning mi-aging gabii.
Nasayrang nagpatrolya ang mga sundalo dihang ilang na-engkwentro ang gibana-banang 15 ka mga gidudahang gerilya sa New People’s Army kon NPA sa Brgy. Consorcia.
Gi-ila ni BGen. Adonis Ariel Orio, ang 402nd Infantry Brigade commander, ang mga namatay nga sila Rey Torregosa ug Juliven Badbaran, kanhi commanding officer sa Sub-Regional Committee (SRC) 3 sa Northern Central Mindanao Regional Command sa NPA.
Narekober ang duha ka patay’ng lawas sa encounter site uban sa tulo ka mga assault rifles, usa ka anti-personnel mine, mga bala, mga magazines ug mga personal nga gamit samtang wala’y natalang casualty sa kasundaluhan.
Adiser matud pa ang engkwentro, gipindutan na ang mga nagpatrolyang sundalo kalabot sa presensya sa armadong grupo sa nasangpit nga lugar.
Alayon niini, subling gipanawagan sa militar ang mga komunistang rebelde nga musurender na aron magpuyo silang malinawon.
