BUTUAN CITY – Giandam na ang kasong ipasaka batuk sa duha ka babaye nga nasikop sa gikasang buy bust operation sa kagahapon sa ala1:50 sa hapon sa may Purok 1, Brgy. Obrero, Butuan City.
Naila ang mga suspetsado nga sila CHONA TAMPOY COJUANGCO, alyas Chona, 35-anyos, babaye dunay kapuyo, manicurista nga taga Purok 4, Brgy. 17 Fort Poyohon og si SARAH MAE EJOSA MACAPUTOL, alyas Sarah , 26-anyos, dalaga, manicurista usab nga residente sa Purok 3 sa samang Barangay.
Gihimo ang operasyon sa mga ginsakpan sa Butuan City Police Station-2, kaabag ang taga Butuan City Police Office, Butuan City MObile Force Company og Philippine Drug Enforcement Agency kon PDEA-Caraga.
Napalitan sa Poseur-buyer ang mga suspetsado og 3 ka heat-sealed sachets sa suspected shabu. Lakip sa nakumpiska sa posisyon sa mga niini ang usa ka libo nga marked money og 9 ka piraso nga boodle money, 2 ka cellphone, cash nga usa ka libo pesos og drugas nga mitimbang og 0.5 gramos.
Sa eksklusibong pakighinabi ning sibayahan sa Barangay Kagawad sa Obrero nga si Kagawad Edgar Reviro, gibutyag niining gikakurat nila ang pag-abot sa mga suspetsado sa ilang lugar kini dayung hangyu sa katawhan nga ihunong na ang pag-apil-apil sa ilegal nga drugas.
Sa kabahinan usab ni P/Cap Joel Amado, gibutyag niining bag-o palang ang natumbok nga mga suspek nga gelayon nilang gipangetaan og pamaagi nga masikop. Aminado ang opisyal nga lisud ang panginabuhi sa pagkakarun apan dili solbad niini ang paglambigit sa ilegal nga aktibidad.
