BUTUAN CITY – Gikumpirma ni Pedro Tecson, tigpamaba sa Department of Education kon Deped-Caraga nga duha na lang ka mga tunghaan sa tibook rehiyon ang alanganin pa pagpatuman sa full face-to-face classes karung Nobyembre 2.
Sigon sa opisyal, niadtong nakalabay nga tulo ka semana, muabot sa 22 ka tunghaan ang nagpadayag nga alanganin silang magpahigayong sa full face-to-face classes apan tungod kay gipangitaan kini og paagi rason nga sa kasamtangan, duha na lang ang nahabilin.
Apan gibutyag ni Tecson nga duna pay panahon aron mapangitaan gihapon kini og pamaagi ilabina nga walay dagkong problema nga nabagatan sa mga tunghaan sa tibook rehiyon bisan sa hisgutanan Covid-19 diin walay natahong magtutungha nga nataptan sa virus sulod sa eskwelahan.
Duna lay pipila ka mga non-teaching personnel ang nataptan apan hingpit na usab nga naulian.
Samtang giklaro usab ni Tecson nga base sa Deped Order number 34, bisan pa man sa pagpatuman sa full face-to-face classes, magdepende pa gihapon kini sa sitwasyun sa lugar tungod kay dili man kini pugsanong ipatuman rason nga ila na lang lugwayan una ang blended learning.
