BUTUAN CITY -Muhatag ang palasyo Malacañang og tag-P100,000 nga pinansyal nga tabang sa duha ka miyembro sa Philippine Navy nga nasamdan sa pagpang-harass sa mga sakop sa China Coast Guard kon CCG sa Ayungin Shoal.
Sumala sa Palasyo, kini isip pag-ila sa sakripisyo ug dedikasyon sa mga sundalo nga nasamdan samtang nagbuhat sa ilang katungdanan kondiin gibanggaan sila sa parte sa West Philippine Sea.
Wala pa gipagawas sa Malacañang ang identty sa duha ka Navy personnel ug ang detalye sa ilang mga samad apan gisiguro sa gobyerno nga magpadayon sila sa pagdawat sa gikinahanglang suporta samtang nagpa-ayo.
Sigon sa Armed Forces of the Philippines (AFP), usa ka miyembro sa PH Navy ang gipukpok og baton nga kahoy nga miresulta sa pagkasamad sa iyang ulo.
Kini tungod gihapon sa padayon nga pgpanalipod sa Pilipinas sa katungod ug soberanya sa maong dagat nga sakop sa exclusive economic zone sa nasud.
Una nang gisalikway sa China Coast Guard (CCG) ang alegasyon dayong butyag nga ang mga sakop matud pa sa Pilipinas ang unang migamit og bugsay isip armas aron hampakon ang ilang mga sakop.
