BUTUAN CITY – Nasakmit ni Pinay tennis sensation Alex Eala ang landslide victory sa Women’s Tennis Association (WTA) grass-court “Star of the Swing” fan vote human nakakuha og 89-porsyento sa kinatibuk-ang boto nga 2,164 gikan sa 2,442 ka mga botante nga misalmot sa WTA website poll nga natapos kagahapon Biyernes.
Ang pangutana nga gibati ngadto sa mga poll voters mao ang “Gikan sa Queen’s hangtod sa Wimbledon ug tanan sa taliwala, kinsa ang imong standout performer sa 2026 grass-court swing?”
Posible nga ang mga Filipino fans maoy nagdomina sa boto tungod kay si Linda Noskova sa Czech Republic, nga maoy bag-ong Wimbledon champ, nakakuha lang og 176 boto o 7 porsyento.
Samtang ang Wimbledon finalist ug Bad Homburg champion nga si Karolina Muchova nabutang sa ikatulong pwesto nga adunay 3 porsyento kon 72 ka mga boto.
Samtang si Naomi Osaka usab nga finalist sa Bad Homburg, nabutang sa ika-upat nga adunay 1 porsyento o 17 boto ug si Donna Vekic, bag-ong Queen’s Club champ nga gitawag sa mga Filipino fans og “Tita Donna” atol sa Philippine Women’s Open niadtong Enero, nabutang sa ikalima nga pwesto nga adunay pito ka boto.
