BUTUAN CITY- Naglunsad ang Iran’s Revolutionary Guards Corps. kagahapong adlawa Lunes, Hulyo 20 og “surprise attack” sa kalabang US command center sa Syria, base sa taho sa state media.
Gitarget matud pa sa gihimong surprise attack ang special operations command centre sa Al-Tanf region sa Syria.
Balos matud pa kini sa mingdanak nga dugo sa mga martir nga sundalo sa Iranshahr, usa ka siyudad sa southeastern Iran.
Niadtong Domingo, gitaho sa usa ka news agency sa Iran nga gihimo ang paglubong sa tulo ka sundalong namatay sa pag-atake sa Amerika sa usa ka barracks sa Iranshahr.
Una na usab nga gi-anunsyo sa Revolutionary Guards niadtong Biyernes nga gi-atake nila ang Al-Tanf base, nga nakontrol sa Syrian Army niadtong Pebrero human mag-withdraw ang mga tropa sa Amerika.
Apan gilimod kini sa usa ka source gikan sa militar sa Syria nga adunay pag-atake.
