BUTUAN CITY- Kalit nga mingusog ang lihok sa Tropical Depression Kiyapo samtang naglihok kini pa-amihanan-kasadpan sa Philippine Sea, sidlakan sa Hilagang Luzon.
Sumala sa state weather bureau, kataposang nakit-an ang sentro sa bagyo kaganiha sa may alas 10:00 buntag sa distansya nga 830 kilometro sidlakang Northern Luzon.
Aduna kini gikusgon sa hangin nga mo abot sa 45 km/h duol sa sentro ug paghuros og hangtud 55 km/h, samtang minglihok sa gipaspason nga 25 km/h.
Naka-apekto ang kusog nga hangin hangtud 400 kilometro gikan sa sentro sa bagyo.
Lakip sa mga lugar nga anaa ubos sa Tropical Cyclone Wind Signal (TCWS) No. 1 ang Batanes, Cagayan kauban ang Babuyan Islands, Isabela, Apayao, Abra, ug Kalinga. Sakop usab ang sidlakan ug tungang parte sa Mountain Province sama sa Paracelis, Natonin, Barlig, Sadanga, Bontoc, Besao, ug Sagada. Lakip usab ang sidlakan ug tungang parte sa Ifugao lakip ang Mayoyao, Aguinaldo, Alfonso Lista, Banaue, Hingyon, Lagawe, ug Lamut. Anaa sa listahan usab ang Ilocos Norte, amihanang bahin sa Ilocos Sur sama sa Cabugao, Sinait, San Juan, Magsingal, Santo Domingo, Bantay, San Ildefonso, ug San Vicente. Dugang pa niini ang amihanang parte sa Aurora (Dilasag, Casiguran), amihanang parte sa Quirino (Aglipay, Maddela, Cabarroguis, Saguday, Diffun), ug ang pinakaamihanang bahin sa Nueva Vizcaya (Bagabag, Diadi)
