BUTUAN CITY – Mapasigarbuhong gipakita ni Sheryl Tiologo, residente sa Sitio Matin-ao, Brgy Bonbon ning siyudad sa Butuan ug ika-81 nga membro sa Bombo Millionaire’s Club, ang iyang napalit nga multicab nga maoy iyang saad aron magamit sa mga kalihukan sa ilang simbahan.
Madumdumang gawas pa kini sa gisaad niyang muhatag og 10-porsiento nga halad ngadto sa Ginoo pinaagi sa ilang simbahan isip pasalamat sa iyang nadag-ang usa ka milyon ka pisos nga grand prize sa One-Two Panalo Year 20 promo.
Sigon ni Tiologo, sa pag-anunsyo pa lang sa iyang pangalan nga maoy grand prize winner, iya gilayong gi-manifest nga makapalit siya og sakyanan nga kolor pula kansa mao usa’y kanunay niyang makita diha sa social media.
Duna matud pa’y miduol kaniya kondiin kolor yellow ang sakyanang gi-offer kaniya ug wala siya magdahom nga ang iyang gustong kolor mao ang final niyang makuha.
Dako usab ang iyang pagpasalamat tungod kay wala’y isyu ang maong sakyanan nga plano unta sa tag-iya nga ipamasada dinhi sa Butuan apan nahutdan na og prangkisa maong gihimong private.
Dili matukib ang iyang gibating kalinaw ug gaan na kaayo karon ang iyang gibati tungod kay ang iyang gipangayo aron magamit sa ilang simbahan, mao usa’y gihatag sa Kahitas-an kanila.
Awhag niya sa tanang nag-apilan sa mga promo sa Bombo Radyo nga dili magpakawala og paglaum kung wala pa mudaog.
Gibutyag niini nga padayong musalig sa buhi nga Diyos aron matuman ang mga pangandoy sa kinabuhi ilabina kung atong tumanon ang Iyang mga sugo.
