BUTUAN CITY – Gibana-banang mu-abot sa 5-milyunes pesos ang damyos nga hatud human gisunog sa mga rebeldeng New People’s Army ang usa ka back hoe , usa ka truck mixer ug usa ka generator set nga gipang-iyahan sa CTB Construction sa Brgy. Mapawa Sa Surigao City kaganinang alas-11:40 sa buntag.
Naglusad na og joint police and army operation batuk sa mga sakop sa Guerilla Front 16B, Northeastern Mindanao Regional Committee tungod sa ilang gihimo samtang gigamit ang maong mga ekwepo sa konstruksyon sa farm-to-market road.
Sigon ni Police Regional Office kon PRO-13 Director BGeneral Romeo Caramat Jr., ang hini-usang pwersa sa Surigao del Norte Provincial Mobile Force Company, ug 29th Infantry Battalion, Philippine Army maoy migukod karon sa mga responsable kinsa nasuko tungod sa pakyas matud pa nilang extortion activities.
Hugot nga gikondena sa PRO-13 ang maong pagpangatake tungod kay timaan lang kini nga dili matud pa gusto sa rebeldeng grupo nga makabenepisyo niini ang mga yanong residente gikan sa dalan nga magkutay unta sa komunidad padulong ngadto sa sentro sa merkado kansa maoy magpasayon sa pagtumod sa ilang mga produkto sa umahan.
