BUTUAN CITY – Nagtingkagol na karun sa prisuhan ang duha ka babayeng mabdos human kini nasikop sa gikasang buy-bust operation bandang alas 9:00 sa gabii sa may Purok-4, Barangay Patrocinio, Sta. Josefa, Agusan Del Sur.
Gihimo ang hiniusang operasyon sa ginsakpan sa Sta. Josefa Municipal Police Station og Agusan Del Sur Police Provincial Office nga nagresulta sa pagkasikop sa duha ka babaye nga sila Alyas Madam, 20-anyos, menyu nga residente sa Purok-2B, Poblacion, Monkayo, Davao De Oro og si Alyas Hannah, 18-anyos, menyu kansa residente ra usab sa maong lugar og pulos mabdos.
Nakuha sa posisyon sa mga suspek ang tulo ka dakong sachet nga dunay sulod sa gitoohang shabu nga mitimbang og 13.15 gramos og market value nga halos 90-mil pesos.
Nakuha usab ang marked money nga gigamit sa operasyon, og ang single motor nga gisakyanan sa mga niini.
Naila ang mga suspetsado nga mga bag-ong street level individual nga mga tigpayuhot sa ginadiling drugas nga maoy nagsuplay sa maong lungsod.
Gikustudiya na ang mga suspek og nakumpiskang mga butang sa Sta. Josefa Municipal Police Station alang sa tukmang disposasyon.
