-- ADVERTISEMENT --
BUTUAN CITY – Gibana-banang dul-an sa 6-milyunes pesos ang damyos human gisunog sa mga rebelde ang duha ka mga heavy equipment nga gigamit sa konstruksyon sa farm-to-market road sa Brgy. Binocaran, Malimono, Surigao del Norte.
Sigon ni PRO-13 regional director Police Brigadier General Romeo Caramat Jr., pito ka mga armadong lalaki ang mibubo og gasolina sa usa ka dump truck ug back hoe dayong dagkot niini.
Base sa imbestigasyon, mga membro matud pa sa Guerilla Front 16B, Northeastern Mindanao Regional Committee ang mga responsable.
