-- ADVERTISEMENT --
BUTUAN CITY – Nakatala og 73 ka mga bag-ong kaso sa COVID-19 ang Caraga Region karong adlawa samtang duha ang bag-ong patay ukg 35 ang mga bag-ong nakarekober.
Tungod niini, mi-abot na sa 328 ang kinatibuk-ang COVID related deaths ning rehiyon, samtang 8,887 na ang cumulative cases; 694 pa ang padayong naka-isolate ug 7,8656 na ang nakarekober.
Sa pinaka-ulahing mga kaso, pinakadaghan ang natala sa Butuan City nga mi-abot sa 30 ka mga kaso nga gisundan sa 16 ka mga kaso sa Dinagat Islands province; 14 ka mga kaso sa Agusan del Sur; 5 ka kaso sa Surgao del Sur; 4 sa Agusan del Norte; 2 sa Tandag City ug tag-usa ka kaso sa Bayugan City ug Surigao City.
