BUTUAN CITY– Gianunsyo sa Surigao del Sur Provincial Health Office nga gikan sa ilang dapit ang nataho nga pinaka-unang Delta variant case sa Caraga Region.
Sa usa ka facebook post, gibutyag sa Provincial Health Office sa Surigao del Sur nga gikan sa munisipyo sa Barobo, ang maong kaso sa Delta variant.
Una nang gikumpirma sa DOH-Caraga nga usa ka 26-anyos nga babaye, wala mabakunahi, ug adunay kasaysayan sa pagbiyahe gikan sa National Capital Region (NCR) ang pinaka-unang kaso Delta variant Covid-19 sa rehiyon.
Sumala usab sa PHO-Surigao del Sur wala na hinuon kini gibati nga mga simtomas sa pagka-karon ug nakakumpleto na usab sa madatory nga pagkwarantina.
Natumbok na usab ang mga naka-close contact niini ug nabisitahan na sa mga contact tracers diin migawas nga negatibo ang mga niini sa Covid-19 human gipaialom sa swab testing.
Samtang, gitun-an karon Provincial Health Office sa Surigao del Sur ang rekomendasyon alang sa pagpapailalom sa tibuok probinsya sa mas hugot nga Modified Enhanced Community Quarantine ( MECQ ) human natala ang pinakaunang kumpirmadong kaso sa Delta Variant sa COVID-19.
Nasayran nga sugod karong adlawa, Septembre 8 hantod 30 ning tuiga , magpadayon nga mapailalom sa mas luag nga General Community Quarantine ( GCQ ) ang Lalawigan sa Surigao del Sur subay sa gipagawas nga resolution sa IATF
