-- ADVERTISEMENT --
BUTUAN CITY – Mi-abot na sa 15 ka mga tawo ang patay, 13 ang angol ug unom ang missing tungod sa epekto sa habagat.
Base sa rekord sa Philippine National Police (PNP), duha ang namatay sa Region 1 human nakuryentihan ug nalumos, samtang pito sa Region 4A tungod sa landslide o rockfall, pagkalumos, pagkakuryente ug pagkahulog sa kahoy.
Sa Cordillera Administrative Region, unom ang namatay tungod sa landslides nga nahitabo sa La Union, Pangasinan, Rizal, Batangas, La Trinidad sa Benguet, ug Baguio City.
Kapin 3,000 ka mga pulis ang gipakatag aron mutabang sa nagpadayong rescue ug response operations sa mga lugar nga na-apektuhan sa habagat.
