15 ka mga pasahero sa bangka padulong sa Igacos, Samal, girescue human naunlod tungod sa dagkong balod

BUTUAN CITY – Nagpadayon ang search and rescue operation sa Philippine Coast Guard sa Davao alang sa naunlod nga motorized bangka nga mibiya gikan sa Panacan, padulong untana sa Island Garden City of Samal.

Sakay sa maong bangka ang dili muubos sa 15 ka pasahero nga mag pamilya kansa nagplano mangaligo ug dagat.

Sa kasamangan anaa na sa walo ang naluwas.

Sa inisyal nga impormasyon, overloaded ang bangka ug nabuak kini samtang naa na sa lawod.

Padayon ang operasyon sa Coast Guard aron makit-an pa ang nabilin nga pasahero.