BUTUAN CITY- Nagpagawas na ang Sandiganbayan og precautionary hold departure order kon PHDO batok kang Senator Rodante Marcoleta, kanhi kongresista Mike Defensor, ug duha pa ka opisyal kalabot sa kasong kasong plunder ug indirect bribery base sa findings sa Office of the Ombudsman.
Gi-isyu sa 7th Division sa anti-graft court ang PHDO kagahapon Martes, Mayo 26, nga gilangkoban usab nila Joseph Varias Espiritu ug Aristotle Baluyut Viray.
Sumala sa imbestigasyon, adunay kalabotan ang kaso sa daw campaign donations nga mo-abot sa P75 million nga nadawat ni Marcoleta gikan sa susamang akusado.
Base sa taho, nagsumite og hangyo ang Office of the Ombudsman alang sa PHDO niadtong Mayo 25, usa ka adlaw adiser kini gipagawas sa korte.
Ang PHDO temoraryong mag-restrict sa usa ka indibidwal nga mo lakaw gawas sa nasud samtang gisusi pa ang kaso, bisan wala pay napasakang pormal nga kaso sa korte.
Girekomenda sa Ombudsman field investigators ang pagpasaka og kasong plunder ubos sa Republic Act 7080 uug paglapas sa Presidential Decree No. 46, kansa nagbawal pagdawat og mga regalo sa mga opisyal sa gobyerno. Girekomenda usab ang kasong indirect bribery batok kang Marcoleta.
Mingtumaw sa imbestigasyon sa Commission on Elections nga wla matud pa gideklara ni Marcoleta ang maong campaign donations sa iyang tatement of Contributions and Expenditures.
Hisayran nga ang P75 million daw napadala sulod sa upat ka adlaw niadtong Enero 2025 gikan nila Defensor, Espiritu, ug Viray.
