BUTUAN CITY – Gi-angkon ni Pedro Tecson, tigpamaba sa Department of Education kon DepEd-Caraga nga dakong hagit karun ang pag-andam sa mga lawak alang sa pagsugod sa klase sunod semana ilabina kadtong gigamit isip billeting quarters sa bag-ohay lang natapos nga Palarong Pambansa 2026.
Sigon ni Tecson nga sa pagsugod sa Brigada Eskwela, sobsob karun ang pag-andam sa mga tunghaan sa Agusan Del Sur nga gigamit isip billeting quarters tungod kay duna lay usa ka semana adiser hingpit nga magsugod ang klase.
Tungod niini, lauman ang pagtinabangay sa daghang mga sektor aron makab-ot ang tinguha sa Brigada eskwela.
Gihimog panalangtian niini ang pagduyog sa Department of labor and Employment kon DOLE pinaagi sa benipisyaryo sa TUPAD aron mosalmot sa paglusad sa Brigada Eskwela sa Cabadbaran City nga gitambongan mismo ni Education Secretary Sonny Angara.
Samtang giangkon usab ni Tecson nga lakip sa hagit ang kakulang sa mga lawak-tunghaan nga hatud sa daghang mga rason sama sa kalamidad.
Bisan paman niini, subling giklaro sa opisyal nga boluntaryo ang himoong brigada eskwela og dili pwedeng mangolekta o kaha gamiton kini isip rikisitos sa pagpa-enroll sa bata.
Samtang gipasabot usab ni Tecson ang ipatumang tri-mester nga gitawag niining tri-terms o tulo ka termino sa usa ka tuig.
Dili matud pa kini susama sa kolihiyo. Gane susama lang ang ihap sa mga adlaw sa klase og duna lay re-scheduling sa kalendaryo.
