BUTUAN CITY- Gitakda na sa International Criminal Court (ICC) ang pipila ka importanteng petsa alang sa hingpit nga pagsibog sa kaso ni kanhi President Rodrigo Duterte kinsa kapin usa ka tuig nang nakadetine sa The Hague, Netherlands.
Kini subay sa unang status conference sa iyang kaso niadtong Mayo-27.
Pipila sa mga importanteng petsa mao ang
June 23 – ika-duhang status conference, June 29 – submission sa Prosecution sa ilang inisyal nga listahan sa mga testigo, July 14 –ika-tulomh status conference,
August 31 – Cut-off alang sa submission sa prosecution sa ilang final witness list ug evidence
September 28 – trial briefing alang sa mga representante sa mga biktima,
October 30 – trial briefing alang sa Defense panel.
Laumang magsugod ang trial batok sa Kanhi Presidente sa Pilipinas sa Nobiyembre-30, 2026. Ang maong buwan ang ika-20 ka buwan sukad niadtong na-aresto kini sa Manila.
