BUTUAN CITY- Gipadayag ni Jeffrey “Ka Eric” Celiz, Secretary General sa Bangon Sambayanan, nga ang mga kasong gisang-at batok kang Senador Jinggoy Estrada kabahin sa giingon niining desperate moves sa administrasyon ni President Ferdinand Marcos Jr. aron pahuyangon ug mabungkag ang mayorya sa Senado.
Sumala ni Celiz, tumong sa maong mga aksyon nga mapugos ang pipila ka mga senador nga mobalhin ngadto sa minority bloc ug mapugngan ang giplanong pagpadayon sa imbestigasyon sa Senate Blue Ribbon Committee. Gibutyag usab niini, nga gigamit ang Office of the Ombudsman isip instrumento sa politikal nga paningkamot aron maimpluwensyahan ang mga miyembro sa mayorya, samtang iyang gitumbok ang mga alegasyon sa pressure ug pagpanghilabot sa politika nga gisugilon usab sa ubang mga senador.
Dugang pa, ang nahitabo nagpakita matud pa sa nagkadako nga tensyon sa politika ug nagdala og seryosong mga pangutana kabahin sa independensya sa mga institusyon sa gobyerno ug sa mga nagpadayon nga panagbangi sulod sa Senado
