BUTUAN CITY – Nakatala na usab og 15 ka mga bag-ong COVID-19 cases ang Caraga Region apan wala’y patay.
Sa virtual presser sa Department of Health-Center for Health and Development kon DOH-CHD-Caraga sa mga bag-ong kaso, siyam niini ang mga babaye samtang unom ang mga lalaki ug 8-nyos ang pinakabata samtang 71-anyos ang pinaka-edaran.
Sa 15 ka mga bag-ong k,aso, usa lang ang natala sa lungsod sa Nasipit, Agusan del Norte samtang 14 pulos taga-Butuan nga nabahin sa Brgy. Lapu-Lapu-7; Brgy. Libertad- 4; ug tag-usa sa Brgy. Antongalon, Obrero ug San Ignacio.
Sa pagkakaron, ang cumulative confirmed COVID-19 cases sa rehiyon anaa na sa 3,898 kondiin 428 niini ang mga aktibong kaso kon padayon pang nagpa-ayo, 3,287 ang nakarekober ug 183 na ang natalang patay.
