BUTUAN CITY – Gisaysay sa usa ka bangka operator ang nahitabong pagkalumos sa Masao Beach ning siyudad sa Butuan atol sa Domingo sa Pagkabanhaw kon Easter Sunday.
Sigon pa ni Ronel Nuñez, operator sa bangka nga taga Purok-1 sa maong barangay sa eksklusibong pakighinabi ning sibyahan nga gikan sila naniudto niadtong higayona ug sa ilang pagbalik nakita nila ang tulo ka indibdiwal nga nangayog tabang rasong nipasutoy siya sa bangka og didto nakita ang usa ka lalaki nga didto na sa ilalom nagkulob.
Dali siyang mi-ambak og giluwas ang maong lalaki kansa iya usab nga gi-CPR dinha palang sa bangka.
Pag-abot sa daplin, nagpatawag na siya og rescue tungod kay sa iyang lantaw delikado ang kahimtang niini.
Gikumpirma usab sa Butuan City Police Station-3 nga nakabsan sa kinabuhi ang maong biktima nga 15-anyos nga taga Tambak, Lower Doongan, Butuan City.
Samtang sa esklusibong pakighinabi sa Bombo Radyo kang Kagawad Felix Lariba sa Barangay Masao ning siyudad, gikumpirma usab niini nga dead-on-arrival ang biktima sa dihang gidala sa usa ka pribadong ospital ning dakbayan.
