BUTUAN CITY – Nadugangan na usab og 14 ka mga bag-ong kumpirmadong kaso sa COVID-19 ang Caraga Region nga pulos taga-Butuan kondiin 64% niini anaa sa edad nga 41 ngadto sa 70-anyos.
Siyam kanila kon 64% mga babaye samtang lima kon 36% mga lalaki kondiin 11 usab kanila ang duna’y mild symptoms samtang 3 ang duna’y severe symptoms.
Ang mga bag-ong kaso na-apod ngadto sa Brgy. Obrero nga duna’y 3 samtang tag-2 sa Brgy. Libertad, Baan Km. 3, ug Fort Poyohon ug tag-usa usab sa Brgy. Tandang Sora, Ambago, Baan Riverside, Doongan, ug Villa Kananga.
Sa klasipikasyon niini, ang tanan pulos local transmission kondiin 5 ang mga bag-ong local tansmission, 4 ang duna’y close contact sa mga kanhi nagpositibo sa corona virus, laing 4 ang mga healthcare workers ug usa ang frontliner.
Tungod sa mga nadugang, ang tibuok Caraga Region duna na’y 1,063 ka cumulative confirmed COVID-29 cases kondiin 594 ang aktibong mga kaso, 433 ang mga nakarekober samtang 33 ang patay.
Pinakadaghan ang nalata sa Agusan del Norte nga mi-abot sa 115, gisundan sa Surigao del Norte nga mi-abot sa 84, ikatulo ang Agusan del Sur nga mi-abot sa 75, samtang 51 sa Surigao del Sur ug 11 sa Dinagat Islands province.
Samtang sa mga siyudad, nag-una ang Butuan City nga mi-abot na sa 591 nga gisundan sa Bislig City nga mi-abot sa 72, samtang 25 ang natala sa Cabadbaran City, 17 sa Surigao City, 14 sa Bayugan City ug 8 sa Tandag City.
