BUTUAN CITY – Mi-abot sa 122 ka mga bag-ong police officers ang migradwar gikan sa ilang Public Safety Basic Recruit Course (PSBRC) didto sa Regional Training Center 13 kagahapong adlawa.
Ang “SIDLAK-ALAB” Class of 2020-04 mao;y mgdala sa mandatus sa organisasyon pagpatuman sa balaud, paglikay ug pagkontrola sa mga kremin, pagmintina sa peace and order, ug pagsiguro sa kaluwasan sa publiko ug internal security uban sa aktibong suporta sa komunidad.
Si Police Regional Office13 Chief of Regional Staff, Police Colonel Jose Manalad, Jr. ang nagrepresentar kang regional director Police Brigadier General Romeo Caramat, Jr. isip guest of honor ug speaker.
Si Patrolwoman Ana Mae Zafra, nga taga-Veruela, Agusan del Sur ang nanguna sa klase human nakakuha og 92.41% rating samtang si Patrolwoman Felmar Dumaum gikan sa Las Nieves, Agusan del Norte may nagsunod kaniya pinaagi sa 91.75%, ug ikatulo si Patrolwoman Manuela Panaligan gikan sa Tagbina, Surigao del Sur nga duna’y 91.49%.
Ang 93 ka mga patrolmen ug 29 ka mga patrolwomen mitapos sa unom ka buwang basic training program ug ibalik sila sa Regional Special Training Unit 13 aron mupa-ilalom na usab sa Public Safety Field Training Program (PSFTP) alang sa laing unom ka mga buwan diin ipang-assign sila sa managlahing police stations ning rehiyon.
