BUTUAN CITY– Kasamtangan nga naka red-alert karun ang tibook Bureau of Jail Management and Penology kon BJMP CARAGA human nga upat ang patay sa Persons Deprived with Liberty (PDL) dihang nakig-pinusilay sa mga kawani sa BJMP kaganinang buntag human nga nagplano nga mu-eskapo ang anaa sa 11 ka mga piniriso sa Liangga District Jail sa Surigao del Sur.
Naila ang mga niini nga sila Suade Tejero, Daniel Atigan, Crisanto Eladia, April Jun Riasol, Rencho Laviña,Ariel Ronquillo,Maxon Lacia,Rommel Fernandez,Joebert Perez,Ronie Laurente,Roberto Lasta ug Ariel Ronquillo.
Sumala pa nga napugngan ang mga piniriso nga maka eskapo human nga nangilog og armas ug nang-hostage sa jail guards.
Giila usab ang mga gi-hostage nga sila JO1 Grant Trimidal, JO1/T Rud Emmanuel Rebuyon ug JO1/T Clein Domanglas.
Sumala pa nga mihatag og usa ka warning shot ang duty personnel niadtong higayona apan padayon nga nagdali ang mga PDL’s nga maka eskapo diha sa gate sa prisuhan nga maoy hinungdan nga gipusil ni JO1 Junie Menoza ang mga mikalagiw nga PDL nga miresulta na hinoon sa pagkamatay sa 4 niini ug 1 ka samaron human gidunggab gamit ang improvised bladed weapon dihang nakig-away kini sa grupo sa PDL ingun man 6 ang contained.
Tungod niini gilayon nga miresponde ang uban pang duty personnel nga miresulta sa pagbinaylu-ay og bala.
Gikabutyag nga ang namatay nga PDL gitoohang myembro sa communist terrorist group nga New Peoples Army (NPA) kondiin gikumbinsi ang uban aron himoon ang nasangpit nga pag-ikyas gikan sa bilangu-an.
Nasayran nga milungtad og walo ka minuto ang maong insidente ingun man padayon pa usab nga gihimo ang lalom nga imbestigasyon alayon sa maong panghitabo.
