BUTUAN CITY – Gikan sa kapin sa usa ka gatus o kaha kapin sa 200 ka mga kaso sa COVID-19 nga natala sa Caraga Region ning mi-aging mga adlaw, karong adlawa, mi-abot na sa 300 ang mga bag-ong kaso ug 11 ang mga bag-ong patay samtang mi-abot sa 294 ang naka-isolate ug 130 ang mga bag-ong nakarekober.
Tungod niini, mi-abot na sa 28,643 ang cumulative COVID-19 cases ning rehiyon ug sa maong ihap, mi-abot sa 2,540 ang naka-isolate samtang 25,180 na ang kinatibuk-ang nakarekober ug 923 ang kinatibuk-ang patay.
Sa mga bag-ong kaso, pinakadaghan gihapon ang natala sa Agusan del Sur nga mi-abot sa 73 nga gisundan sa 45 ka mga kaso sa Surigao del Sur; 38 sa Bayugan City; 33 sa Surigao del Norte ug 31 ka mga kaso sa Agusan del Norte.
Ang Bislig City duna’y 15; samtang taglima sa Tandag City ug Surigao City ug usa sa Cabadbaran City. Dinhi sa dakbayan sa Butuan, pinakadaghan ang natala sa Brgy. Libertad nga mi-abot sa 8 ug gisundan sa Fort Poyohon-7; Ambago-6 samtang tag-upat sa Brgy. Baan Km. 3, San Vicente ug Villa Kananga.
Nakatala usab og tagtulo ka mga kaso ang Brgy. Obrero ug Doongan; tag-duha sa Lapu-Lapu; JP Rizal; Bonbon, Anticala ug Agusan Pequeño samtang tag-usa usab sa Brgy. Limaha, Golden Ribbon; Bancasi, Bading ug Babag.
