BUTUAN CITY – Padayon karun ang imbestigasyon sa kapulisan sa napalgang patay’ng lawas sa usa ka 11-anyos nga batang lalaki kagahapong adlawa sa Purok 12, Riverside, Barangay Luna, Surigao City.
Gikumpirma ni PLT.Col. Mariano Lukban, hepe sa Surigao City Police Station nga ang maong biktima, mao kadtong gitaho sa ilaha nga na-missing sukad pa niadtong Abril 9. Ang maong biktima nagpuyo sa Payawan 1, Purok 3, Barangay Luna, Surigao City.
Anaa sa state of decomposition ang lawas sa biktima nga ipailalom sa post-mortem examination aron masuta ang hinungdan sa kamatayon niini. Nasayrang nakasoot ang biktima og pula nga t-shirt og pula usab nga short pants rasong dali ra kining nailhan sa pamilya.
Gitoohan usab nga dunay kalabutan sa iyang kamatayon ang nawala niini nga cellphone.
Sigon ni PLT.Col. Mariano Lukban nga mihimo na sila og back-tracking aron masuta kung duna bay nakauban ang biktima adiser ang panghitabo dayun butyag nga duna lay duha ka senaryo niini, ang na-slide ang bata og nahulog kilid sa suba o gi-interesan kini.
