BUTUAN CITY -Napulo ka mga langyaw ang nadakpan ug temporaryong gikustodiya sa municipal police station sa General Luna, Siargao Islands, Surigao del Norte sa gilusad nga clean-up drive human gitumbok sa Bureau of Immigration kon BI nga dili angay nga magpabilin sa nasud.
Kini human gi-serve ang mission order pasado alas-5:30 ning mi-aging hapon, sulod sa munisipyo sa General Luna, nga gi‑isyu sa ilang commissioner.
Gihulatan na lang ang pagbalhin kanila ngadto sa hustong detention facility sa Bureau of Immigration samtang magpadayon ang deportation proceedings.
Gihimo ang operasyon isip suporta sa kapulisan sa pagpatuman sa balaod, pagpreserbar sa kahapsya ug kalinaw ug pagpanalipod sa seguridad sa mga residente ug mga bisita sa munisipyo.
