BUTUAN CITY – Usa ka tawo nga patay ug siyam ang na-ospital sa pagpamusil sa Texas atol sa standoff o panagsangka tali sa suspek ug sa mga awtoridad, hangtud nga gipahibalo nga patay na ang suspek sa Midland, usa ka lungsod sa kasadpang Texas.
Sumala sa Midland Memorial Hospital, siyam ka biktima ang gidala kanila kondiin upat ang gi-operahan samtang laing usa ka tawo ang gidala sa laing ospital sa Odessa.
Sigon ni Midland Mayor Lori Blong, dako ang iyang kasubo alang sa mga biktima ug ilang pamilya, ug nagpasalamat sa mga pulis nga misulay pagpanalipod sa komunidad bisan delikado ang sitwasyon.
Milungtad og duha ka oras ang pinusilay tali sa mga pulis ug suspek, ug sumala sa kapulisan, nagsugod ang pagpamusil sa usa ka bahin sa siyudad unya mitapos duol sa usa ka veterinary hospital.
Usa ka saksi nagbutyag nga gibana-banang kapin 40 ka mga bala ang gipabuto sa maong insidente.
