BUTUAN CITY – Usa ang patay samtang laing usa ang angol sa natigayong pagpamusil pasado alas-siete kagabii sa Sitio Nakan-an, Purok 5, Brgy. Sangay, Buenavista, Agusan del Norte.
Naila ang namatay nga si Edgar Saberon Lelis, 51-anyos, ulitawo ug angol usab si Arman Tanso Macasling, 28-anyos, pulos ulitawo ug residente sa susamang lugar.
Migawas sa inisyal nga imbestigasyon nga samtang nagtindog ang biktimang si Lelis kilid sa dalan, kalit lang kining giduol sa duha ka wala mailang mga lalaki dayong pusil kaniya sa makadaghang higayon gamit ang .45 nga kalibreng pistola hinungdan sa iyang hinanaling kamatayon.
Samtang ang laing biktimang nagbaktas lang sa dalan nga nailang si Arman Tanso Macasling, apil sa giduol sa mga suspek ug gipusil usab sa makadaghang higayon apan na-igo lang sa yang kamot adiser nanibat ang mga responsbale padulong sa amihanang bahin nga direksyon.
Daling gidala si Macasling sa Nasitpit District Hospital aron matambalan samtang gidala na usab sa punerarya ang namatay.
