BUTUAN CITY – Nadugangan na usab og 22 ka mga bag-ong COVID-19 cases ang Caraga Region nga gilangkuban sa 13 ka mga babaye ug siyam ka mga lalaki kondiin 64-porsiento niini anaa sa edad nga 21 hangtud 50-anyos.
Sa maong mga kaso, duha ang natala sa Agusan del Sur gikan sa mga lungsod sa San Francisco ug Talacogon; 3 ka mga kaso usab sa Surigao del Norte nga gikan sa mga lungsod sa Dapa-2 ug usa sa San Francisco.
Nakatala og napulo ka mga kaso ang Surigao City gikan sa Brgy. Washington -4; tagduha sa Brgy. Luna ug Taft ug tag-usa sa Brgy. Canlanipa ug Rizal samtang usa ka kaso ang natala sa Lingig, Surigao del Sur.
Nakatala usab og tulo ka mga kaso ang Bislig City ng gikan sa Brgy. Poblacion-2 ug usa sa Mangagoy samtang tulo usab dinhi sa Butuan nga gikan sa Brgy. Libertad-2 ug usa sa Brgy. Baan Riverside.
Sa maong ihap usab, 20 niini ang local transmission ug tag-usa ang frontliner ug health care worker.
Kinse usab kanila ang wala’y simtomas kon asymptomatic, 6 ang mild ug usa ang grabe. Sa 22 ka mga bag-ong kaso usab, usa ang namatay kinsa usa ka 71-anyos nga lolang gikan sa Lingig, Surigao del Sur kinsa hypertensive, diabetic ug hubakon, ug naglisod pagginhawa niadtong Oktubre 20 rason ng gipa-admit paglabay sa duha ka mga adlaw apan namatay pagkasunod adlaw.
