BUTUAN CITY- Makigtagbo sila Ukraine President Volodymyr Zelensky ug Israeli Prime Minister Benjamin Netanyahu kang U.S. President Donald Trump sa managlahi nga meeting sa White House karung adlawa, Hulyo 28.
Nakapukos ang panagtapok sa tulp ka lider sakagubot sa Ukraine ug Middle East.
Sumala sa usa ka opisyal sa White House, makigkita si Trump kang Netanyahu aron hisgutan ang giyera sa Iran lakip ang kahimtang sa negosasyon sa Lebanon ug ang mga paningkamot sa pagpalapad sa Abraham Accords nga nagtumong sa pagpalig-on sa pormal nga relasyon ug kalinaw tali sa Israel ug Arab countries. Gi-angkon usab ni Trump nga dili sila hingpit nga magkasinabot ni Netanyahu pag-abot sa Iran apan nagpabiling magkapareho og panan-aw ang duha ka lider.
Samtang, sa pakigmeeting usab ni Trump kang Zelensky, hisgutan sa duha ang nagpdayon nga peace process tali sa Russia ug Ukraine. Sumala sa US official, panahon na aron taposon giyera tali sa duha ka nasud.
Niadtong Lunes, gipasagdan nalang ni Trump ang alegasyon ni Zelensky nga naghatag ang Russia og intelligence sa Iran kalabot sa military bases sa Amerika.
