BUTUAN CITY- Gilaoman ni Senador Imee Marcos nga sa dili magdugay mo-uli na sa Pilipinas si kanhi House Appropriations Committee chair, Zaldy Co, aron ibulgar ang iyang mga nahibal-an kalabot sa flood control scandal.
Sumala sa Senador, una nang nagpadayag si Co sa iyang ka-andam nga ipagawas ang mga halapad nga impormasyon kalabot sa nabulgar nga korapsyon sa mga flood control project.
Dihang napangutana usab ang senadora sa posibleng gipahimutangan ni Co, sigon niini nga base sa iyang nasayran sa pagkakaron, kasamtangang anaa pa gihapon sa Europe ang maong pugante.
Sa pikas bahin, gihatagan og gibog-aton ni Marcos nga dili mahimong sayon ang pagpa-uli kang Co dinhi sa Pilipinas, hilabi na nga hugot matud pa ang Europe partikular sa mga kasong ‘political oppression.’
Sa kataposan, mala-umon si Marcos nga magdesisyon si Co nga bolontaryong mo-uli sa nasud aron ipagawas ang mga nasayrang impormasyon.
Gisaway usab sa Presidential Sister ang pamahayag ni Senate President Pro Tempore Panfilo “Ping” Lacson nga dungan nilang ipa-atubang sa Senate Blue Ribbon Committee ang kapin 18 ka kanhi sundalo kansa nagpa-ilang kanhi mga bagman kung mapa-uli na sa Pilipinas si Zaldy Co.
Sumala ni Marcos usa kini ka dakong problema tungod dili makita si Co, samtang si President Ferdinand Marcos Jr. mismo ang naghatud og kanhi fake news kalabot sa kanhi magbabalaod. Mas maayo matud ni Marcos, nga ipatawag kung si kinsa ang ania sa Pilipinas sama sa iyang ig-agaw nga si Martin Romualdez aron makuha ang mga hungihong nga adunay giprotektahan ang Senate Blue Ribbon Panel
