BUTUAN CITY- Usa ka makapahingangaw nga sorpresa ang gipakita sa pito ka miyembro sa grupong Xonara atol sa “Wakas at Simula: The Trilogy” finale concert sa SB19 nga gipahigayon sa SMDC Festival Grounds niadtong Sabado.
Ang grupo, nga gilangkuban nila Eurekah, Ella, Dominique, Tin, Megumi, Lei, ug Namie, nagpasundayag sa ilang kaugalingong kanta nga sila mismo ang nagsulat ug nagkomposo.
Nagpasalamat si Eurekah sa mainit nga pagdawat sa mga tawo, kansa gi-ila niini nga usa ka dakong pangandoy nga makatungtong sila sa ingon nga entablado nga kaniadto damgo lamang nila. Ang Xonara opisyal nga magdebut sa Mayo 15 ug nag-awhag sa mga fans nga bisitahon ang “Xonara World” sa Escolta aron masayran pa ang ilang panaw isip usa ka grupo.
Matod pa ni Lei, ang Xonara nagtinguha nga maghatag ug bag-ong tingog ug lami sa P-pop. Ang 1Z Entertainment, kompanya nga gitukod sa mga miyembro sa SB19 nga sila Pablo, Josh, Stell, Ken, ug Justin, unang nagpagawas ug teaser para sa grupo niadtong Abril 1.
