BUTUAN CITY – Nanawagan si World Health Organization (WHO) Director-General Tedros Adhanom Ghebreyesus og dinaliang proteksyon sa mga health care facilities, health workers, mga ambulansya ug mga pasyente sa kinatibuk-ang Lebanon tungod sa padayong pagpangatake sa Israel.
Iyang gibutyag nga ang usa sa pinaka-ukupadong trauma management hospitals sa southern Lebanon, ang Tebnine Government Hospital, nadamyos human na-igo sa duha ka airstrikes niadtong Abril 12 ug 14.
Sa iyang social media post, gipadayag sa WHO head nga 11 ka mga trabahante ang angol sa maong pag-atake samtang naguba usab ang emergency department ug kagamitan sa maong ospital apil na ang ilang parmasya ug mga outpatient clinics.
Iyang gidugang nga sukad nagsugod ang giyera tali sa Israel ug militanteng grupo sa Lebanon nga Hezbollah niadtong Marso 2, mi-abot na sa 133 ka mga pag-atake ang gihimo sa mga health cares uban sa 88 nga namatau ug 206 injuries ang angol.
Mi-abot usab sa 15 ka mga ospital ug pito ka mga primary healthcare centres ang nadamyos, wala pa’y labot sa lima ka mga ospital ug 56 ka mga primary health care centres nga gisira tungod sa damyos.
