BUTUAN CITY- Maglunsad ang Visa ug GCash og bag-ong link-and-pay feature nga magtugot sa mga tiggamit sa pagbayad pinaagi sa Visa cards alang sa QR transactions sulod sa GCash app, bisan kulang ang sulod sa ilang e-wallet.
Pinaagi sa Visa Payment Passkey, mahimong mapamatud-an ang transaksyon gamit ang fingerprint, face recognition, o PIN alang sa mas paspas ug luwas nga digital payment experience.
Matod sa Visa ug GCash, ang bag-ong serbisyo nagtumong sa paghatag og mas sayon ug mas flexible nga paagi sa pagbayad samtang gipalapdan usab ang financial inclusion sa nasod.
Base sa datos sa Bangko Sentral ng Pilipinas (BSP), mikabat na sa 57.4 porsiyento sa kinatibuk-ang retail transactions sa Pilipinas ang digital payments, ug gilauman nga mas mapadasig pa kini pinaagi sa card-funded QR payments.
