BUTUAN CITY-Gi-anunsyo ni U.S. President Donald Trump kagahapong adlawa Miyerkules, Abril 1, 2026 sa iyang Truth Social post nga minghangyo matud pa og ceasefire ang Iran sa Estados Unidos, apan gi-insistar sa Washington nga mutuman lang sila kung abrihan na ang Strait of Hormuz.
Apan hugtanong gipanghimakak sa Iran ang pamahayag ni Trump. Sumala sa tigpamaba sa Ministry of Foreign Affairs sa Iran, ang alegasyon nga ceasefire request dili matud pa tinuod ug walay basehan.
Kahibaloan nga ang bag-ong Supreme Leader sa Iran mao si Mojtaba Khamenei human mapatay ang iyang amahan sa usa ka air strike niadtong miaging buwan, samtang si Iranian President Masoud Pezeshkian nagdumala sa nasud sukad niadtong Hulyo 2024.
Dugang pa ni Trump, nga ikonsiderar sa Estados Unidos ang ceasefire ugaling ang Strait of Hormuz “open, free, and clear”, apan sa pagkakaron magpadayon ang operasyon batok sa Iran. Ang Strait of Hormuz usa ka gamay nga pantalan tali sa Persian Gulf ug Arabian Sea kansa agi-an sa dakong porsyento sa global oil ug gas shipments.
Ang pagbukas o pagsira niini adunay halapad nga epekto sa pangkalibotanong ekonomiya ug seguridad.
