BUTUAN CITY – Gikondena sa India ang pag-atake sa usa ka Indian-flagged cargo ship sa kadagatan sa Oman human kini naunlod tungod sa gidudahang missile strike.
Sa gipagawas nga pahayag sa India’s Ministry of External Affairs, gitawag niining “unacceptable” ang insidente ug gibatikos ang padayon nga pag-target sa commercial shipping ug sa mga sibilyan.
Gikumpirma usab sa India nga luwas ang tanang Indian crew members sakay sa barko human sila maluwas sa mga awtoridad sa Oman.
Sumala sa maritime security firm, ang barkong nalambigit nailang MSV Haji Ali, usa ka cargo vessel nga dunay 14 ka tripulante ug dunay kargang livestock gikan Berbera sa Somaliland padulong sa Sharjah, United Arab Emirates.
Gitaho nga nakabaton og kusog nga pagbusikad sa barko dool sa baybayon sa Limah, Oman, sa Strait of Hormuz, nga gitoohang hatud sa missile strike.
Human ang pagbusikad, miulbo ang kalayu sa barko rasong gi-abandona kini sa mga tripulante adiser hingpit nga na-unlod.
Wala pa gipanganlan sa India kung kinsa ang posibleng responsable sa pag-atake.
Nanawagan usab ang New Delhi nga dapat likayan ang pag-atake sa commercial vessels ug bisan unsang lakang nga makababag sa freedom of navigation ug pangkalibutanong negosyo.
