BUTUAN CITY- Nakikipag negosasyon ang U.S. sa Denmark kalabot sa planong pagpalapad sa military bases niini sa Greenland.
Nasayran nga tumong sa Estados Unidos nga magtukod og tulo ka bag-ong military bases sa habagatang bahin sa Greenland isip pagpangandam sa posibleng aktibidad sa Russia ug China sa North Atlantic region.
Kahinumuman nga kani-adto aduna nay panaglalis ang Denmark sa U.S. human gipadayag ni U.S. President Donald Trump nga skopon ang maong isla tungod sa kahadlok nga kuhaon kini sa Russia ug China. Bisan paman, kusganong gisupak sa Denmark ug sa Greenland ang unsa mang ideya sa pagsakop sa teritoryo.
Taliwa niini, nagpadayon ang diplomatic talks sa duha ka anasud kung asa gikopmperma sa Denmark nga adunay ongoing negotiations kini sa Amerika kalabot sa posibleng dugang military presence sa Greenland, apan mingbalibad na kini sa paghatag og dugang detalye.
Hisayran nga planong itukod ang military base sa Narsarsuaq, usa ka U.S. military facility nag adunay gamay nga airport.
Pukosan usab niini ang maritime surveillance o pagbantay sa lihok sa mga barko ug aktibidad militar sa GIUK Gap —importanteng ruta tali sa Greenland, Iceland, ug United Kingdom. Sa pagkakjaron wala pay pinal nga kasabotan tali sa duha ka nasud kalabot hisgutanang pagtukod na usab og US military base. Dili usab matud pa lakip sa hisgutanan ang plano sa Amerika nga kontrolin o sakupon ang Greenland.
Sa kasamtangan, usa lang ka military base sa Estados Unidos sa Greenland — ang Pituffik Space Base — kumpara niadtong panahon sa Cold War kung asa audnay 17 ka facility ang U.S.
