BUTUAN CITY – Misugot na ang United Kingdom nga gamiton sa US ang ilang mga military base para sa pag-atake sa Iran.
Nagkasinabot ang mga British ministers sa gihimong tigum nga ipagamit sa US ang ilang mga base militar nga anaa sa Middle East.
Tungod niini mamahimong malugwayan pa kini pinaagi sa paghatag og proteksyon sa mga barko nga moagi sa Strait of Hormuz nga gitarget usab sa Iran.
Apan giklaro gihapon sa UK nga dili sila moapil sa bisan unsang pag-atake sa Iran.
Gitumbok sa United Kingdom nga dapat paspas nga matapos ang krisis sa Middle East ug masolusyunan na ang giyera sa Iran.
Mahinumdumang kaniadto nga gibarugan sa UK nga dili nila ipapagamit sa US ang ilang mga military base sa mIddle East sa rasong dili nila gustong madamay sa bisan unsang giyera.
