BUTUAN CITY – Gianunsiyo na sa organizers sa 2026 Miss Universe Philippines ang unang 10 ka semifinalists.
Gihimo ang anunsiyo sa Oroqueta City sa Misamis Occidental sa nakalabay lang nga gabii.
Human ang pagparada sa 50 ka kandidata para sa ilang swimwear gikan sa mga fashion designers gikan sa Mindanao.
Ang 10 ka mga unang semifinalist gilangkuban nila Jenrose Javier sa Sultan Kudarat, Donna Rein Nugud sa Pangasinan: Alicia Buendia sa Rizal (Filipino Society ng Southern California); Ella Evangelista sa Quezon Province (Filipino Society ng Australia); Cherieze Cacayorin sa Ilocos Norte (Filipino Society of Hawaii); Jencel Caña sa Cavite; Alexandria Colmenares sa Negros Occidental; Lyneree Montero-Yodong sa Mountain Province; Chrystel Mae Correos sa Tandag City ug Jayka Munsayac sa San Jose, Negros Oriental (Filipino Society of Bellevue, Washington).
Nanguna ang 10 ka kandidata sa dunay pinakadaghang boto sa ikatulong round sa online voting para sa swimsuit nga gihimo gikan sa Abril 19 hangtud sa 25 diin 31 sa mga kandidata ang nakasulod sa ikaduhang round sa botasyon.
Lakip usab nga gianunsiyo ang lima ka miduag sa “Gems of Misamis Occidental” nga nakuha ni Nicole Borromeo sa probinsiya sa Cebu.
Ang mga kauban niini nga runnerups gilangkuban nila Erica Cadayday sa Camiguin nga giila isip Asenso Ambassadress of Health; Jacqueline Alunin sa Nueva Vizcaya isip Asenso Ambassadress of Social Services; Clarissa Westram sa Cotabato isip Asenso Amabassadress of Education ug Trexy Roxas sa Iligan City isip Asenso Ambassadress of Agriculture.
Himoon ang coronation night sa 2026 Miss Universe Philippines sa Mall of Asia Arena sa Pasay City sa Mayo 2.
Ipasa ni Ahtisa Manalo ang iyang corona sa modaug sa pageant.
