BUTUAN CITY – Natilawan ni Tyson Fury ang split-decision points nga kaparutan sa ilang away sa Saudi Arabia human nga si Ukrainian boxer Oleksandr Usyk nahimong unang four-belt undisputed heavyweight champion sa natad sa boksing.
Sa ilang away sa grand stage, maayo ang pagsugod sa away ni British boxer Fury apan nahatagan siya og standing 10 count human gidabu-dabuhan og kumo ni Usyk sa ninth round sa ilang away diin siya mibarag.
Sa tensyunadong paghuwat sa pag-anunsyo sa scorecards, makitang kampante si Fury nga siya ang midaog apan dihang nakumpirma ang kada-ugan ni Usyk, nakahilak kini tungod sa scorecards nga 115-112 ug 114-113 pabor sa Ukrainian, samtang ang ikatulong judge mi-score og it 114-113 pabor kang Fury.
Kini nagpasabot nga ang 35-anyos nga si Fury, 35, napildi sa unang higayon sa iyang 16-ka tuig nga professional career.
Tungod niini, nakuha ni Usyk ang World Boxing Council kon WBC belt gikan kang Fury ug nadugang sa iyang World Boxing Assocition (WBA), World Boxing Organization kon WBO ug International Boxing Federation kon IBF collection.
Dako ang pagpasalamat sa 37-anyos nga Ukrainian boxer ngadto sa Kahitas-an sa iyang nadag-ang kada-ugan nga iyang gipahinungod ngadto sa iyang pamilya ug sa iyang nasud nga padayong gigiyera sa Russia.
