BUTUAN CITY – Daw nalangayan ang ubang mga senador ang pagtubag sa administrasyon ni Pangulong Ferdinand Marcos jr sa kasamtangang giatubang sa nasud nga padayong pagsaka sa presyo sa produktong lana.
Para kay Senador JV Ejercito daw ulahi na ang pagdeklara og state of National Energy Emergency sa pangulo tungod kay halos mag-usa ka bulan na ang tensiyon sa Middle East.
Sumala pa ni Ejercito nga dili langay kondi sobra kalangay diin gipunto niini nga dapat unang adlaw pa lang sa dihang miulbo ang kagubot sa tunga-tungang sidlakan nakabaton na unta og sense of urgency ang gobyerno aron pangandaman ang epekto niini.
Nagpahayag usab og kabalaka si Senator Sherwin Gatchalian human matumbok sa pagdungog sa senado nga wala pa gihapoy unified national contingency plan ang gobyerno halos usa ka bulan na ang giyera.
Sigon ni Gatchalian nga bisan og dunay gipanghatag nga ayuda sa transport sector, dili kini igo tungod kay sa Metro Manila palang kini nasugdan og nakaseguro kining muabot sa usa ka milyon ang ihap sa sektor sa transportasyon.
Sumala pa niini nga dili susama kapaspas ang pagsutoy sa presyo sa produktong lana ang aksiyon sa gobyerno.
