BUTUAN CITY- Nagkaguliyang ang Senado sa Pilipinas kaganiha human wala motunga ang Majority bloc nga gipangulohan ni Senate President Alan Peter Cayetano sa nakaschedule nga sesyon sa may alas-5 sa hapon.
Napulo ug usa ka senador gikan sa Minority bloc ang present, apan wala sila makapadayon sa trabaho tungod kay kulang sa quorum ug wala’y presiding officer.
Ang kapakyasan sa pagtambong sa 13 ka miyembro sa Majority bloc nagresulta sa pagka-langan sa paghisgot sa mga importante nga panukala sama sa Magna Carta for Barangay Health Workers, Anti-Hospital Detention Bill, ug mga confirmation sa Commission on Appointments. Sumala sa Minority nga kini usa ka “boycott of duty,” samtang si Cayetano nagpasabot nga ilang gipakita ang “Senate independence.”
Ang panghitabo nagpakita sa mas lawom nga tensyon sa politika tali sa duha ka kampo ug nagdala og kabalaka sa pagpadayon sa legislative agenda
