BUTUAN CITY- Opisyal na nga nadawat sa Senado kagahapon Hunyo 1, 2026 ang pormal nga tubag ni Vice President Sara Duterte sa Articles of Impeachment nga gisang-at batok niini, sa pagpanguna sa iyang legal team nga si Atty. Michael Poa.
Si Senate Secretary ug Clerk of Court sa Impeachment Court Jose Luis Montales mao ang midawat sa dokumento nga gisumite sa pisikal nga porma ug uban sa USB drive nga adunay electronic copies, ug opisyal nga nalista sa record alas-4:35 sa hapon.
Human sa pagdawat, ang sunod nga lakang mao ang paghatag og kopya sa House of Representatives nga mao ang nagpasaka sa impeachment articles, ug ang Senado isip Impeachment Court magtakda og pre-trial conference aron mahan-ay ang proseso sa pagpresentar sa ebidensya ug testigo.
Ang legal team ni Duterte magpadayon sa pagdepensa samtang ang House prosecutors magpresentar sa ilang kaso, ug ang mga senador maglingkod isip hukom nga motimbang sa ebidensya. Kini nga filing nagtimaan sa pormal nga pagsugod sa proseso sa impeachment trial nga mahimong usa sa labing kritikal nga yugto sa kasaysayan sa Senado.
