BUTUAN CITY- Nahuman na sa National Basketball Association (NBA) ang pagpangandam sa duha ka court nga gamiton alang sa 2026 Finals.
Sa mga hulagway ng gipagawas sa liga, highlights ang disenyo sa hardcourt nga adunay Larry O’Brien Trophy, ang gikahinamang championship trophy sa NBA.
Gikatakda ang unang away tali sa New York Knicks ug San Antonio Spurs sa Hunyo 4, 2026 (PH time).
Ipahigayon ang Game 1 ug Game 2 sa Frost Bank Center, ang homecourt sa Spurs, samtang ang Game 3 ug Game 4 sa Madison Square Garden, ang homecourt sa Knicks.
Kini ang unang higayon sukad niadtong 1999 Finals sukad nag-atbang ang duha ka grupo, kung asa gipilid kani-adto sa Spurs ang New York sulod sa lima ka duwa. Sa maong Finals, minghimo og kasaysayan ang Knicks isip pinaka-unang No. 8 seed nga ming-abot sa championship series.
Karung tuiga, mipakitang gilas na usab ang Knicks human nilang gipildi ang Cleveland Cavaliers pinaagi sa sweep sa Eastern Conference Finals.
Samtang, gipahagba sa Spurs ang defending champion nga Oklahoma City Thunder sa usa ka intense Game 7 sa Western Conference Finals.
Ang tanang mata naka-focus karun sa NBA Finals 2026, kung asa mabanhaw na usab ang klasikong rivalry sa Knicks ug Spurs.
