BUTUAN CITY- Plano nga pahamtangan sa Administrasyon ni US President Donald Trump og bag-ong 25% punitive tariff ang daghang produkto sa Brazil tungod sa giingong dili patas nga mga polisiya sa nasud sa mga sektor sama sa electronic payment services, preferential tariffs, intellectual property protection ingon man ang ethanol market access, sumala sa U.S. Trade Representative.
Bisan paman niini, dili malakip sa bag-ong taripa ang pipila ka importanteng produkto sama sa karne sa baka, kape, enerhiya, rare earth minerals ug aircraft parts. Gisaway usab sa mga opisyal sa Brazil ang maong desisyon, kansa ilang gi-ila nga usa ka politikal kaysa sa teknikal ang motibo, samtang nagpadayon ang pagbugnaw sa relasyon tali sa duha ka nasud bisan pa sa bag-ohay nga pakigpulong ni Presidente Luiz Inácio Lula da Silva sa White House.
Sigon sa U.S. nga gikinahanglan ang maong lakang aron matubag ang ilang dakong trade deficit ug mga dugay nang reklamo batok sa mga polisiya sa Brazil, samtang padayon pa ang konsultasyon sa publiko sa wala dili ang pinal nga desisyon karung Hulyo 15.
