-- ADVERTISEMENT --
BUTUAN CITY- Natabla sa TNT Tropang 5G ang serye sa 1-1 human gipildi ang Barangay Ginebra Gin Kings sa Game 2 sa PBA Commissioner’s Cup Finals kagahapon sa Smart Araneta Coliseum, sa skor nga 101-94.
Mingbida sa kadaogan sa TNT si Calvin Oftana pinaagi sa iyang 31 puntos ug 10 ka rebounds, samtang si Chris McCullough ming-amot usab og 19 puntos ug 16 ka rebounds. Bisan pa sa kusog nga rally sa Ginebra sa ulahing bahin, napugngan gihapon kini sa depensa ug clutch free throws sa TNT.
Gani nasayang ang 24 puntos ug 15 ka rebounds ni Justin Brownlee sa Gin Kings. Ang sunod nga Game 3 ipahigayon sa Mall of Asia Arena ugmang adlawa, Dominggo, Hunyo 7.
